Lugar: Telleiro
Propiedade e liñaxe: Di Espinosa Rodríguez que posiblemente
o seu fundador fose D. Domingo Gabiño , de quen nacería, do seu matrimonio con
Dª. Juana de Bugarín, D. Antonio Gabiño, que se encontra entre os nobres do Val
Miñor e foi administrador das reais salinas na raia de Portugal.
Dese matrimonio naceron, entre outros:
-D. Juan Antonio, que marchou a Chile, onde casou e fixo
carreira militar; morreu na Serena despois de facer testamento ante o notario
D. Juan Antonio Gondomar;
-Dª Liberata, que casou con D. Manuel Ocampo y Coronel,
matrimonio do que naceron María Teresa, Antonio e Benito.
Dona María Teresa casou con D. Francisco Pereira Mariño da
Saa da casa do Avelar, e tiveron como primoxénito a D. Francisco Pereira Ocampo,
que casou con dona Victoria de Jesús Salgado (descendente da casa de Cernadas);
deste matrimonio naceron Benito (avó de D. Latino Salgueiro Pereyra), D. Tomás
(pai de Dª. Matilde Pereyra, viúva de Pereyra Campoamor), D. Francisco, D.
Antonio e D. Manuel Pereyra Salgado.
No lugar, ficou a sede da Congregación de Misioneiras de
María Mediadora.
Data de Fundación: Posiblemente no primeiro terzo do século
XVII.
Detalles: Orixinalmente era en forma de L, que aínda se
recoñece malia a cantidade de reformas e engadidos levados a cabo.
Elementos decorativos: O único que se conserva é un pequeno
gravado sobre o lintel da que fora porta principal de entrada dende o antigo
patín, representando os atributos da Inquisición.
Segundo Espinosa Rodríguez, había dous escudos, hoxe
desaparecidos: “En la puerta principal
hay dos escudos: uno de ellos tiene un solo cuartel con las Armas, un castillo,
un menguante y cinco estrellas. Tiene el otro un águila. Entre ambos, sobre el
dintel, los atributos de los inquisidores”.
Nos baixos desta casa existiu un cárcere inquisicional no
lugar que actualmente ocupa a capela da congregación de Misioneiras; aínda se
ode observar parte das reixas que cubrían os ocos que a congregación tivo o
tino de conservar á hora de transformar o uso dese baixo.
Bibliografía
Soliño Troncoso, Antonio e outros. Gondomar. Historia, Arte e Territorio.
IR INDO, 1995.
Ningún comentario:
Publicar un comentario