 |
| A Presa da Bouza (©IEM) |
O substantivo presa designa a obra humana practicada no curso dun río
para reter e dirixir a corrente destinada a mover o rodicio do muíño ou a
outros usos, por exemplo para regadío ou para alimentar un lavadoiro (lavadouro na fala local). As presas, eran na súa maioría de
grandes perpiaños de granito, pero tamén atopamos en ocasións, algunhas simples
feitas con pedras e terróns denominadas peirados.
Os peirados, non eran utilizados
tanto para encorar a auga como para desviala dun río ou mesmo para poñer sobre
as paredes da presa e desviar a auga cara canles nun nivel superior ao da
mesma.
As presas presentaban
nalgúns casos, un pequeno rebaixe na súa parte superior (especialmente nos
casos do río) polo que rebosaba a
auga sobrante que era aproveitada por lavadouros ou outras presas situadas máis
abaixo. Na parte inferior, presentaban o ollo
ou buxeiro, un buraco polo cal debía
saír a auga. Este, era tapado tanto con terróns como cun tolete de madeira que
serían destapados coa axuda dun varal.
Bibliografía
Navaza Blanco, Gonzalo: Saiáns. Os nomes dos lugares Nº1. (IEM,
2011)
Ningún comentario:
Publicar un comentario